مرجاؤں اگر عشق شہنشاہ زمن میں
ہو دفن میری لاش مدینے کے چمن میں
بن ٹھن کے چلے جب شب معراج محمد
حوروں کے بھی دل پھنس گئے زلفوں کی شکن میں
لعل لب رنگین محمد کا ہوں کشتہ
کفنائے پس مرگ مجھے سرخ کفن میں
یہ کیا ہے پس مرگ عدم میں بھی ہے پرسش
یا رب کہیں لٹتے ہیں مسافر بھی وطن میں
یا رب پس مردن بھی ہو اس طرح نظارہ
چاک در محبوب رہے چاک کفن میں
اللہ نہ تاراج ہو گلزار کسی کا
اک پھول بھی باقی نہیں زہرہ کے چمن میں
غل رونے کا اک شام کے دربار میں اٹھا
شبیر کا سر دیکھ کے سونے کے لگن میں
یوں دیکھ کے اکبر کو شقیوں نے پکارا
لو آئے ہیں لڑنے کو نبی قبر سے رن میں
جتلاؤں گا محشر میں کہ مداح نبی ہوں
شائقؔ یہی رکھ دینا غزل میرے کفن میں
MarjaaoN agar ishqe Shahenshah e zaman me
Ho dafn meri lash Madine ke chaman me
Ban Than ke chale jab Shab e Meraj Mohammad
HooroN ke bhi dil phas gaye zulfoN ke shikan me
La’al e lab e rangeen Mohammed ka hooN kushta
KafnaeiN pas e marg mujhe surkh kafan mai
Yeh kya hai pas e marg addam meiN bhi hai pursish
Ya Rab kaheeN luTte haiN musafir bhi watan me
Ya rab pas e murdan bhi ho is tarha nazara
Chaak e dar e mehboob rahe chaak kafan me
Allah na taraaj ho gulzaar kisi ka
Ek phool bhi baqi nahi Zohra ke chaman me
Ghul rone ka ek Shaam ke darbaar me uTtha
Shabbir ka sar dekh ke sone ke lagan me
yuN dekhke Akber ko shaqiyyoN ne pukara
Lo aaeiN hain laDhne ko Nabi qabr se ran me
JatlaooNga mehshar me ke maddah e Nabi hooN
Shayeq yehi rakh dena ghazal mere kafan me
*********