کیا بارگاہ رحمت خیرالانام ہے
در پر گنہگاروں کا اک اژدہام ہے
یوسف میں اور حسن محمد میں ہے یہ فرق
گر وہ ہلال ہے تو یہ ماہ تمام ہے
وہ مظہر خدا ہے تو ہم مظہر رسول
دل ہے مدینہ دل میں انھیں کا مقام ہے
ہیں دونوں آنکھیں اپنی در روضہ رسول
یہ باب جبرئیل وہ باب السلام ہے
مردوں کو زندہ کرتے تھے عیسی کیا کریں
یا مصطفے یہ آپ کی ٹھوکر کا کام ہے
اللہ کا الف ہے قد پاک مصطفے
ہا میم ہے تو گیسوؤں میں زلف لام ہے
آیت یہ کہہ رہی ہے لقدجاء کم کی صاف
جو نام ہے خدا کا محمد کا نام ہے
کیوں مجھ گناہگار کی بگڑی بنی نہیں
یہ تو حضور آپ کا ادنی سا کام ہے
یا مصطفیٰ کرم کی ادھر بھی ہو اک نظر
شائقؔ غریب آپ کا دل سے غلام ہے
Kya bargah e rehmat e khair ul anaam hai
Dar par guanahgaaroN ka ek izhdihaam hai
Yusuf me aur Husn e Mohammed me hai yeh farq
Gar wo hilaal hai toh yeh mah e tamaam hai
Wo mazhar e Khuda hai toh hum mazhar e Rasool
Dil hai Madina dil me unhe ka maqaam hai
HaiN dono aNkheN apni dar e roza e Rasool
Yeh Baab e Jibraeel wo Baab us Salaam hai
MurdooN ko zinda karte the Esa kiya kareN
Ya Mustafa yeh aap ki Thokar ka kaam hai
Allah ka alif hai qad e paak e Mustafa
Ha-meem hai toh gesuoN me zulf laam hai
Ayat yeh keh rahi hai laqad Jaa-kum ki saaf
Jo naam hai Khuda ka Mohmmed ka naam hai
Kyu mujh gunahagaar ki bigdi bani nahiN
Yeh toh huzoor aap ka adna sa kaam hai
Ya Mustafa karam ki idhar bhi ho ek nazar
Shayeq Ghareeb aap ka dil se Ghulaam hai
********