پڑے ہیں سیہ کار سب تیرے پالے
تیرے ہاتھ ہے شرم او کملی والے
قیامت میں دے مجھ کو دوزخ نہ جنت
الہی تو کردے نبی کے حوالے
یہ معراج میں حوریں کہتی تھیں بڑھکر
ادھر دیکھ وہ عرش پہ جانے والے
دکھادے تو اپنے ہی میں رب کا جلوہ
عرب میں عرب دار کہلانے والے
یہی کہتے کہتے نکل جائے گا دم
مدینہ بلا لے مدینہ بلا لے
بچا نفس کے جال سے یا محمد
نئے پیٹ سے اس نے پاؤں نکالے
نگاہوں میں اعجاز آنکھوں میں جادو
مجھے بھی تو اپنا دیوانہ بنالے
خدا کے لئے ساتھ لے لے مجھے بھی
رسول خدا کی طرف جانے والے
کرو کچھ تو صورت دکھانے کی صورت
محمد کوئی دل کو کب تک سنبھالے
وہاں روسیہ میں نہ جاؤں گا حضرت
جہاں کالے گورے ہوں گورے ہوں کالے
کبھی تو کرم تیرا ہوجائے اس پر
مدینے سے شائقؔ کو تڑپانے والے
Padhe haiN siyahkaar sub tere paale
Tere hath hai sharm , O Kamli wale!
Qayamat me de mujh ko Dozaq na Jannat
Ilahi tu karde Nabi ke hawale
Yeh Meraj me hooreN kehti thi badhkar
Idhar dekh wo arsh par jaane wale
Dikha de Tu apne hi me Rab ka jalwa
Arab me Arabdaar kehlane wale
Yehi kehte kehte nikal jayega dum
Madine bulale Madine bulale
Bacha jaal ke nafs se ya Mohammad
Naye pet se usne paaoN nikale
NigahoN me ejaaz aNkhoN me jaadu
Mujhe bhi toh apna deewana banale
Khuda ke liye sath le le mujhe bhi
Rasool e Khuda ki taraf jaane wale
Karo kuch toh surat dikhane ki surat
Mohammad koi dil ko kab tak sambhale
WahaN roosiya me na jaoNga hazrat
JahaN kaale goore hooN gore hooN kaale
Kabhi toh karam tera hojaye iss par
Madine se Shayeq ko taDpane wale
********