دل حسرت زدہ مایوس کیوں ہے سوئے طیبہ چل
حبیب کبریا سے عرض کر اپنی تمنا چل
سنا ہے بیکسوں کا پوچھنے والا ہے طیبہ میں
سہارا ہے وہ سب کا اور تو ہے بے سہارا چل
مدینے میں دوا ہر درد کی تقسیم ہوتی ہے
وہاں ہر ایک کی فریاد کا ہے سننے والا چل
گل مقصود سے بھرتا ہے جو دامن غریبوں کا
اسی سے التجا کر تھام لے دامن اسی کا چل
جہاں دولت لٹائی جارہی ہے دین و دنیا کی
وہاں آنکھوں سے اپنی دیکھ ، قدرت کا تماشا چل
تصور جب کبھی کرتا ہوں میں ریگستان بطحا کا
مجھے چلتی ہوئی باد صبا کہتی ہے چل آ چل
در اقدس ہے جس کا منبع فیضان روحانی
اسی دربار میں اشرفؔ سنانے حال اپنا چل
Dil-e-hasrat zada mayoos kyu.n hai soo-e-Taiba chal
Habib-e-Kibriya se arz kar apni tamana chal
Suna hai baikaso.n ka puchne wala hai Taiba mei.n
Sahaara hai wo sab ka aur tu hai besahaara chal
Madine mei.n dava har dard ki taqseem hoti hai
Waha.n har ek ki faryaad ka hai sunne wala chal
Gul-e-maqsood se bharta hai jo daman gharibo.n ka
Ussi se ilteja kar tham le daman ussi ka chal
Jaha.n daulat lutayee jaarahee hai deen o dunya ki
Waha.n aanKHo.n se apni deiKH qudrat ka tamaasha chal
Tassavur jab kabhi karta ho.n registaan-e-bathha ka
Mujhe chalti huwi baad-e-saba kehti hai chal aa chal
Dar-e-aqdas hai jiska ma.nmba-e-faizaan-e-ruhaani
Ussi darbaar mei.n Ashraf sunane haal apna chal