ادھر بھی اے مرے پیارے پیمبر دیکھتے جانا
ہمارا ہجر میں ہے حال ابتر دیکھتے جانا
سیہ کاری نہیں معلوم کیا کیا رنگ لائے گی
ہماری شام غربت صبح محشر دیکھتے جانا
صبا تجھ کو قسم دیتے ہیں عاشق زلف احمدؑ کی
مدینہ جاتے جاتے ہم کو آکر دیکھتے جانا
چلے معراج کی شب جب مرے بانکے رسول اللہ
یہی ہر ہر کا کہنا تھا نظر بھر دیکھتے جانا
اگرطیبہ کوجاؤں گا کہے گا دل یہ آنکھوں سے
کبھی گنبد کبھی وہ قبر اطہر دیکھتے جانا
نبی کا نور ہے دل میں کہوں گا روز محشر بھی
سکندر میرے آئینہ کا جوہر دیکھتے جانا
زیارت کرکے جب پلٹے تودل ہراک کاکہتاہے
مدینہ کی طرف ہر دم پلٹ کر دیکھتے جانا
فروغ نور احمد نے سکھایا کام عیسیٰ کو
کہ چرخ چار میں پرسے زمیں پر دیکھتے جانا
یہی ارشاد مرشد ہے کہ ذکر لا الہٰ سے
تماشا دل کو آئینہ بناکر دیکھتے جانا
شبِ معراج حوریں کہہ رہیں تھیں تھام کردل کو
اِدھر بھی اک نظر اے بانکے سرور دیکھتے جانا
کہوں گا عیسوی اور موسوی سے حشر میں شائقؔ
محمد کے غلاموں کا مقدر دیکھتے جانا
Idhar bhi aye mere pyaare payambar dekhte jaana
Hamara hijr me hai haal abtar dekhte jaana
Siyakaari nahi maloom kya kya rang layegi
Hamari shaam-e-ghurbat subha mehshar dekhte jaana
Saba tujh ko qasam dete haiN aashiq zulf-e-Ahmed ki
Madine jaate jaate hum ko aakar dekhte jaana
Chale meraj ki shab jab mere baNke Rasool Allah
Yehi har har ka kehna tha nazar bhar dekhte jaana
Agar Taiba ko jaaoNga kahega dil yeh ankhoN se
Kabhi gumbad kabhi woh qabr-e-athar dekhte jaana
Nabi ka noor hai dil me kahooNga roz-e-mehshar bhi
Sikander mere aaine ka johar dekhte jaana
Ziyarat karke jab palTe toh dil har ek ka kehta hai
Madine ki taraf har dum palaT kar dekhte jaana
Farogh-noor-Ahmed ne sikhaya kaam Eesa ko
Ke charkh chaar me parse zameen par dekhte jaana
Yehi irshaad-e-murshid hai ke zikr-e-La ilaha se
Tamasha dil ko aaina bana kar dekhte jaana
Shab-e-Meraj hooreN keh raheeN thi thaam kar dil ko
Idhar bhi ek nazar ae banke sarwar dekhte jaana
Kahunga Eesawi aur Moosawi se hashr me Shayeq
Mohammed ke ghulamoN ka muqaddar dekhte jaana