السلام اے شہ لولاک محمد پیارے
السلام اے میری آنکھوں کے چمکتے تارے
السلام اے دل غمگین کے لبھانے والے
السلام اے میری بگڑی کے بنانے والے
السلام اے میرے سرکار رسول عربی
السلام اے مرے مکی مدنی مطلبی
عرض کرتا ہوں سلام اے مرے بانکے سرکار
غم فرقت میں نہیں کوئی بھی میرا غمخوار
ہم گنہگار سیہ کار پڑے ہیں پالے
لے خبر جلد خدا کیلئے کملی والے
توجوانجان ہوپھرجائے کہاں سارے غلام
جیتے ہیں تیرے بھروسہ پہ نہیں نام سے کام
آپ طیبہ میں ہیں اورہم ہیں دکن میں روتے
عمر سب اپنی تباہی میں ہیں ناحق کھوتے
جلد بلوائیے اب دیر نہ کیجئے مولا
تا کجا صبر و تحمل نہیں طاقت اصلا
چاہتے ہم ہیں و لیکن نہیں آسکتے ہیں
آپ ہرحیلے سے ہم سب کو بلاسکتے ہیں
وہ مدینہ کی زمیں اور وہ سہانا جنگل
جلد دکھلائیے بیکل ہوں نہیں پڑتی ہے کل
زندگی میں میری دکھلائے مجھے میرا خدا
ہائے وہ گنبد انور پہ کروں جان فدا
اۓ میرے پیارے نبی اتنی سنو عرض مری
مجھ گنہگار کا مدفن ہو مدینہ کی گلی
حشر میں’ میں جو اٹھوں ساتھ تمہارے اٹھوں
اٹھتے ہی چہرہ پر نور تمہارا دیکھوں
دامن پاک سے لپٹارہوں گرمثل غبار
میں یہ سمجھوں کہ خزاں میں مجھے حاصل ہے بہار
مومنو کیا ہو بیاں اپنے پیمبر کا کرم
ہاں سبھی جانتے ہیں اہل عرب اور عجم
جب ہوئی نز۔ع کی سرکار پہ حالت طاری
امتی امتی ہر دم تھا زباں پر جاری
ملک الموت نے آتے ہی کیا جھک کے سلام
پھر کیا عرض کہ اب چھوڑئیے دنیا کا مقام
چلئے اب آپ کا اللہ ہے مشتاق لقا
وجد میں جھوم کے پھر کہنے لگا صل علیٰ
پوچھاحضرت نے کہاں ہیں مرے بھائی جبرئیل
بولا اب دم میں وہ آتے ہیں بفرمان جلیل
جبرئیل آگے اتنے میں پیمبرکے حضور
پھر یہ کہنے لگے اب چلئے سوئے رب غفور
آپ نے ہنس کے کہا عذر نہیں ہے مجھ کو
غم ہے جس کامجھے کچھ ان کی توخوش خبری دو
پوچھا جبرئیل نے بیٹی کا نواسوں کا غم
یا کہ اصحاب کی فرقت کا ہے سینہ میں الم
آپ نے روکے کہا کچھ بھی نہیں ان کا الم
میری امت کے سوا مجھکو کسی کا نہیں غم
لائے جبرئیل جو خوشخبری و فرمان جلیل
ہم گنہگاروں کو محشر میں ملی خوب دلیل
اوریہ فرمانے لگے اب نہیں کچھ فکر کی جا
میری امت میں مرے بعد خلیفہ ہے خدا
امتی لب پہ تھا دنیا سے سدھارے مولا
وا محمد کا تھا اصحاب میں اک واویلا
ہے دعا اب یہی تجھ سے ہماری اللہ
توہے ہم بندوں کے احوال سے ہر دم آگاہ
جو محمد سے ہے الفت نہ وہ چھوٹے ہرگز
تار اس نیک محبت کا نہ ٹوٹے ہرگز
حشر میں سایئہ دامان محمد میں رہیں
روکے ہم اپنی شفاعت کیلئے عرض کریں
دم جو نکلے تو رہے سامنے ان کا جلوہ
ہم غلاموں کی الٰہی یہ ہو مقبول دعا
بہر اصحاب نبی صدقہ سبطین و بتول
یاخدا جتنی ہیں شائقؔ کی مرادیں ہوں حصول
Assalaam ae Shah e Lau Laak Mohammad pyaare
Assalaam ae meri ankhoN ke chamkte taare
Assalaam ae dil e GhamgeeN ke lubhane waale
Assalaam ae meri bigDi ke banane wale
Assalaam ae mere Sarkaar Rasool e Arabi
Assalaam ae mere Makki, Madani, Muttalabi
Arz karta hooN salaam ae mere baNke Sarkaar
Gham e furqat me nahiN koi bhi mera ghumkhwar
Hum gunahgaar siyahkaar padhe haiN paale
Le khabar jald Khuda ke liye Kamli wale
Tu jo anjaan ho phir jaye kahaN saare ghulaam
Jeete haiN tere bharose pe nahiN naam se kaam
Aap Taiba me haiN aur hum haiN Deccan me rote
Umr sab apni tabahi me haiN nahaq khote
Jald bulwaiye ab der na kijiye Maula
Ta kuja sabr o tahammul nahi taqat asla
Chahte hum haiN walekin nahi aa sakte haiN
Aap har heele se hum sab ko bula sakte haiN
Wo Madine ki zameen aur wo suhana jungal
Jald dikhlaiye bekal hooN nahi paDhti hai kal
Zindagi me meri dikhlaye mujhe mere Khuda
Haye wo Gumbad e Anwar pe karooN jaan fida
HaaN mere pyare Nabi itni suno arz meri
Mujh gunahgaar ka madfan ho Madine ki gali
Hashr me mai jo uThoN sath tumhare uThoN
UThte hi chehre pur noor tumhara dekhoN
Daman e paak se lipta rahooN gar misl e ghubaar
Mai yeh samjhoN ke khizaN me mujhe hasil hai bahaar
Momino kya ho bayaN apne Pyambar ka karam
HaaN sabhi jaante haiN ahl e Arab aur Ajam
Jab howi naz’a ki sarkaar pe halat taari
Ummati ummati har dum the zubaaN par jaari
Malak ul Maut ne aate hi kiya jhuk ke salaam
Phir kiya arz ke ab chorDiye duniya ka maqaam
Chaliye ab aapka Allah hai mushtaaq e liqa
Wajd me jhoom ke phir kehne laga salle ala
Poocha Hazrat ne kahaN haiN mere bhai Jibreel
Bola ab dum me wo aate haiN ba farmaaN Jaleel
Jibraeel aagaye itne me Pyambar ke huzoor
Phir yeh kehne lage ab chaliye soe Rab e Ghafoor
Aap ne has ke kaha uzr nahi hai mujh ko
Ghum hai jis ka mujhe kuch un ki toh khush khabri do
Poocha Jibraeel ne beti ka nawasoN ka ghum
Yake as’haab ki furqat ka hai seene me alam
Aap ne ro ke kaha kuch bhi nahi un ka alam
Meri ummat ke siwa mujh ko kisi ka nahi ghum
Laye Jibraeel jo khush khabri e farmaan e Jaleel
Hum gunahgaaroN ko mehshar me mili khoob daleel
Malak ul Maut se hazrat ne kaha sunte hi
Kaam ab apna karo ho na kahiN der zari
Aur yeh farmane lage ab nahi kuch fikr ki ja
Meri ummat me mere baad khalifa hai Khuda
Ummati lab pe tha duniya se sadha re Maula
Wah Mohammad ka tha as’haab me ek wawela
Han dua hai yehi ab tujh se hamari Allah
Tu hai hum bandoN ke ahwaal se har dum aagah
Jo Mohammed se hai ulfat na wo choote hargiz
Taar us nek mohabbat ka na TooTe hargiz
Hashr me saya e daman e Mohammad me raheeN
Ro ke hum apni shafa’at keliye arz karen
Dum jo nikle to rahe samne un ka jalwa
Hum GhulamoN ki Ilahi ye ho maqbool dua
Behr e As’haab Nabi sadqa e sibtain o Batool
Ya Khuda jitni haiN Shayeq ki muradeN hoN husool