اے بانکے محمد صل علی رتبہ ترا ہم نے کیا جانا
اللہ کی قسم کیا منہ سے کہوں جس نے تجھ کو جانا جانا
جب نزع کی حالت ہوطاری مشکل ہے وہی دم پربھاری
وہ چاند سا چہرہ دکھلاکر ارشاد بھی کچھ فرما جانا
تم نام خدا ہو شان خدا مہمان خدا ہو جان خدا
ہر ہر نئے ڈھب سے تم کو ائے صل علی اپنا جانا
یاں فضل نہ تھا واں وصل ہوا کیا رمز ہے یہ اللہ اللہ
معراج کی شب معراج کی شب کس طور کا وہ آنا جانا
یا خواب ہو یا بیداری ہو یا شکل تصور ہو سن لو
ہر حال کسی صورت سے مجھے جلوہ اپنا دکھلا جانا
حاصل ہے جنھیں قربت تیری ہوتی ہے بسر اچھی ان کی
مضطرہے مرا دل فرقت میں اک بار اسے سمجھا جانا
امید یہی ارمان یہی خواہش ہے یہی حسرت ہے یہی
اے نور خدا دل میں آکر تقدیر مری چمکا جانا
ایمان یہی تو ہے اپنا والشمس ہے جب چہرہ تیرا
گیسو کو ترے اے پیارے نبی واللیل اذا یغشیٰ جانا
اے کملی والے سائیں مرے اسوقت خبرلے جلدی سے
آنکھوں میں ہے دم اب فرقت سے اس وقت ذراتوآجانا
آئے تھے عدم سے گو تنہا اب فکر نہیں اس کی اصلا
ہے شکل نبی دل میں اپنے ہوگا نہیں اب تنہا جانا
وہ آنکھ وہ ابرو وہ سیرت شاہی میں فقیری کی صورت
جس نے نہ تجھے مولا جانا اللہ کو اس نے کیا جانا
دم ٹوٹتے ہی بیگانہ ہوا شائقؔ ہے یہی رمز آدم
کیا بات غضب کی تھی نادر ہر ہرنے مجھے اچھا جانا
Ae baNke Mohammed salle ala rutba tera hum ne kya jaana
Allah ki qasam kya muh se kahooN jis ne tujhko jaana jaana
Jab naz’aa ki haalat ho taari mushkil hai wahi dum par bhaari
Wo chand sa chehra dikhlakar irshaad bhi kuch farma jaana
Tum naam-e-khuda ho shaan-e-khuda mehmaan-e-khuda ho jaan-e-khuda
Har har naye Dhab se tum ko aye salle ala apna jaana
Yaan fazl na tha waaN wasl huwa ramz hai yeh Allah Allah
Meraj ki shab Meraj ki shab kis taur ka wo aana jaana
Ya khwaab ho ya beedari ho ya shakl tassawwur ho sun lo
Har haal kisi soorat se mujhe jalwa apna dikhla jaana
Haasil hai jinheN qurbat teri hoti hai basar achi unki
Muztar hai mera dil furqat meiN ek baar ise samjha jaana
Umeed yehi armaan yehi khwahesh hai yehi hasrat hai yehi
Ae-noor-e-khuda dil me aakar taqdeer meri chamka jaana
Imaan yehi toh hai apna “wa’shams” hai jab chehra tera
Gesu ko tere ae pyaare Nabi “wal’lail iza yaghsha” jaana
Aye Kamli waale saiN mere iss waqt khabar le jaldi se
AankhoN me hai dum ab furqat se, iss waqt zara toh aajaana
Aaye the addam se go tanha ab fikr nahi iss ki Asla
Hai shakl e Nabi dil me apne hoga nahi ab tanha jaana
Wo ankh wo aabru wo seerat shahi me faqeeri ki soorat
Jis ne na tujhe Maula jaana Allah ko us ne kya jaana
Dum TooTte hi beegana huwa Shayeq hai yehi ramz-e-Adam
Kya baat ghazab ki thi nadir har har ne mujhe acha jaana