بانکے سجیلے مصطفیٰ میری طرف بھی دیکھنا
تیری نظر کے میں فدا میری طرف بھی دیکھنا
خواہش جام جم نہیں آرزوے حشم نہیں
میری یہی ہے التجا میری طرف بھی دیکھنا
غیر نہیں ہوں یانبی آپ کا ہوں میں امتی
آپ میرے میں آپ کا میری طرف بھی دیکھنا
پیاس سے ہوکے بیقرار حشر میں ہوں نہ شرمسار
تشنئہ دشتِ کربلا میری طرف بھی دیکھنا
ہوں تیرے غم میں نیم جاں آنکھوں سے اشک ہیں رواں
شیرِ خدا کے دلربا میری طرف بھی دیکھنا
تختِ جلال پر شہا بیٹھے جو حشر میں خدا
رحمت دوجہاں ذرا میری طرف بھی دیکھنا
حشر میں ہوکے خستہ جاں گریہ کناں جو آوں وہاں
ہنستے ہوئے شہ ہدا میری طرف بھی دیکھنا
کشتی نہ میری غرق ہو بحر گناہ میں یانبی
آپ ہیں اس کے ناخدا میری طرف بھی دیکھنا
چاہئے ہم غریبوں پہ لطف کرم کی اک نظر
آپ ہیں شاہ میں گدا میری طرف بھی دیکھنا
شائقؔ خستہ کی یہی عرض ہے تم سے یا نبی
جب کہ پکاروں احمدؑا میری طرف بھی دیکھنا
BaNke sajiile Mustafa meri taraf bhi dekhna
Teri nazar ke mai fida meri taraf bhi dekhna
Khwahish e jaam jam nahi arzu e hasham nahi
Meri yehi hai ilteja meri taraf bhi dekhna
Ghair nahi hoon Ya Nabi aap ka hooN mai ummati
Aap mere, mai aap ka, meri taraf bhi dekhna
Pyaas se hoke bekharaar hashr mai hoN na sharmsaar
Tishna e dasht e Karbala meri taraf bhi dekhna
HooN tere gham mai neem jaan ankhoN se ashk haiN rawaN
Sher e Khuda ke dilruba meri taraf bhi dekhna
Taqt e jalal par shaha baithe jo hashr me Khuda
Rahmat e do jahaN zara meri taraf bhi dekhna
Hashr mai hoke khasta jaan garya kinaaN jo auN wahaN
Haste hoye Shah e Huda meri taraf bhi dekhna
Kashti na meri gharq ho behr gunah mai Ya Nabi
Aap haiN iske nakhuda meri taraf bhi dekhna
Shayeq e khasta ki yehi arz hai tum se Ya Nabi
Jab ke pukarooN Ahmeda meri taraf dekhna