تڑپ کرجان دیتا ہے محبت ایسی ہوتی ہے
رسول اللہ کے عاشق کی حالت ایسی ہوتی ہے
قیامت میں خدا بھی بخش دیتا ہے بلا پرسش
گنہگاروں پہ حضرت کی عنایت ایسی ہوتی ہے
کہوں گا دیکھکر تصویر مرقد میں فرشتوں سے
تمہیں کہدو کہیں انساں کی صورت ایسی ہوتی ہے
کریں گے چل کے سب عاشق جونالے جاکے روضہ پر
مدینہ والے بولیں گے قیامت ایسی ہوتی ہے
کہوں گالوٹ کرطیبہ میں خاک کوئے حضرت پر
قسم اللہ کی دنیا میں جنت ایسی ہوتی ہے
اغثنیٰ یارسول اللہ کے نعرے کرتے ہیں ہردم
جدائی میں کبھی ہم پر مصیبت ایسی ہوتی ہے
کہا صورت بناکر تیری خود نقاش قدرت نے
میں اس صورت کے صدقے اچھی صورت ایسی ہوتی ہے
قیامت میں جلیں دوزخ میں بندے تیرے کہلاکر
اسی کا نام کیا رحمت تھا رحمت ایسی ہوتی ہے
نبی کا نام سن لیتے ہی چیخ اٹھتا ہے محفل میں
کبھی بے چین شائقؔ کی طبیعت ایسی ہوتی ہے
TaDap kar jaan deta hai mohabbat aisi hoti hai
Rasool Allah ke aashiq ki haalat aisi hoti hai
Qayamat me Khuda bhi baqsh deta hai bila pursish
GunahagaaroN pe Hazrat ki inayat aisi hoti hai
KahoNga dekhkar tasweer marqad me farishtoN se
TumhiN kehdo kahiN insaan ki surat aisi hoti hai
KareNge chal ke sab aashiq jo naale jaake roze par
Madine wale boleNge Qayamat aisi hoti hai
KahoNga loaT ke Taiba me khaak e ko e hazrat par
Qasam Allah ki duniya me jannat aisi hoti hai
Aghisni ya Rasool Allah ke naare karte haiN har dum
Judai me kabhi hum par musibat aisi hoti hai
Kaha surat banakar teri khud naqqaash e qudrat ne
Mai iss surat ke sadqe achi surat aisi hoti hai
Qayamat me jaleN dozaq me bande tere kehlakar
Isi ka naam kya rehmat tha rehmat aisi hoti hai
Nabi ka naam sun lete hi cheeq uThta hai mehfil me
Kabhi be chaiN Shayeq ki tabiyat aisi hoti hai.
*********