جلوہ گر نبی اپنا سامنے اگر ہوتا
خوب ہی مزا ہوتا پاؤں پریہ سر ہوتا
ٹیس دل میں ہی ہوتی دن تمام فرقت میں
لطف تھا کلیجہ میں درد رات بھر ہوتا
تیری کم نگاہی نے کردیا مجھے رسوا
توجو مہرباں ہوتا میں نہ دربدر ہوتا
کوئی مجھ سہاگن کو یوں نہ بد چلن کہتا
اے مدینے کے والی تو جو میرے گھر ہوتا
من رآنی کے منکر دیکھتے اگر مجھ کو
اور بھی گماں ان کو تیری شکل پر ہوتا
بے خودی محبت کی چیز کیا مزے کی تھی
لوگ با خبر کہتے جو میں بے خبر ہوتا
شام فرقت احمد اضطراب سے کٹتی
دل کو گر سکوں ہوتا مضطرب جگر ہوتا
سجدے شکر کے کرتا راہ میں ہر اک جا پر
ہند سے سوئے طیبہ گر مرا گذر ہوتا
خلق میری محتاجی یوں نہ دیکھ کر ہنستی
گر ترا کرم داتا میرے حال پر ہوتا
رحم خود ہی فرماتے مجھ پہ رحمت عالم
آہ میری آہوں میں کچھ بھی گراثرہوتا
رو کے سب بیاں کرتا میں لپٹ کے جالی سے
روضئہ نبی شائقؔ سامنے اگر ہوتا
Jalwagar Nabi apna samne agar hota
Khoob hi maza hota paoN par ye sar hota
Tees dil me hi hoti din tamaam furqat me
Lutf tha kaleje me dard raat bhar hota
Teri kam nigahi ne kar diye mujhe ruswa
Tu jo meherbaan hota mai na darbadar hota
Koi mujh suhagan ko yooN na badchalan kehta
Ae Madine ke waali Tu jo mere ghar hota
Man ra’ni ke munkir dekhte agar mujhko
aur bhi gumaan un ko teri shakl par hota
Bekhudi mohabbat ki cheez kya maze ki thi
Log ba khabar kehte jo mai be khabar hota
Shaam e furqat e Ahmed izteraab se kaTti
Dil ko gar sukooN hota muztarib jigar hota
Sajde shukr ke karta rah me har ek ja par
Hind se soe Taiba gar mera guzar hota
Khalq meri mohtaaji yooN na dekh kar hasti
Gar tera karam daata mere haal par hota
Raham khud hi farmaate mujhe pe Rehmat e Aalam
Aah meri aah’ooN me kuch bhi gar assar hota
Roke sab bayaaN karta maiN lipat ke jaali se
Roza e Nabi Shayeq saamne agar hota