جیتے ہیں گنہگار شفاعت کے بھروسے
کرتے ہیں گنہہ سب تیری رحمت کے بھروسے
ہے زاد سفرپاس نہ کچھ آس نہ امید
ہم گھر سے چلے تیری عنایت کے بھروسے
پر سش نہ ہوئی چاہنے والوں سے نبی کی
اچھے رہے محشر میں محبت کے بھروسے
محتاج ہوں مفلس ہوں مگر دل تو غنی ہے
پچھتائیں گے جورہتے ہیں دولت کے بھروسے
تقوی پہ کوئی زہد پہ نازاں ہے سر حشر
عاصی بھی چلے آئیں گے حضرت کے بھروسے
رسوا نہیں کرنا مجھے ائے سرور عالم
آتا ہوں مدینہ کو عنایت کے بھروسہ
سب لوگ یہ کہتے تھے وطن میں دم رخصت
ہم سونپتے شائقؔ کوہیں حضرت کے بھروسے
Jeete haiN gunahgaar shafa’at ke bharose
Karte hain gunah sab teri rehmat ke bharose
Hai zaad e safar paas na kuch aas na umeed
Hum ghar se chale teri inayat ke bharose
Pursish na huwi chahne waloN se Nabi ki
Ache rahe mehshar me mohabbat ke bharose
Mohtaaj hooN muflis hooN magar dil toh ghani hai
PachtaeNge jo rehte haiN daulat ke bharose
Taqwe pe koi zohd pe naazaN hai sar e hashr
Aasi bhi chale aaeNge hazrat ke bharose
Ruswa nahiN karna mujhe ae Sarwar e Aalam
Aata hooN Madine ko inayat ke bharose
Sab log yeh kehte the watan me dum e ruqsat
Hum soNpte Shayeq ko haiN hazrat ke bharose
*******