نبی کی ہو دل میں محبت زیادہ
نہیں کوئی اور اس سے نعمت زیادہ
رسول خدا یوں توسب امتی ہیں
رہے عاصیوں پر عنایت زیادہ
ہمیں بس ہے حُب نبی کا وسیلہ
جو کرتے ہیں کرلیں عبادت زیادہ
ترقی پہ ہے عشق گیسوئے احمد
مزادے گی ہم کو یہ وحشت زیادہ
کہاں حسن یوسف اور اس کی شباہت
تری شکل میں ہے ملاحت زیادہ
کیا ہے غنی درہم داغ دل نے
ملی ہے محبت کی دولت زیادہ
میسر ہو طیبہ کی ٹھنڈی ہوائیں
تپ عشق نے کی حرارت زیادہ
پیمبر ہوئے یوں تو سب حق کے پیارے
مگر سب میں تم خوبصورت زیادہ
کہوں حشر میں حوض کوثر پہ جاکے
پلاؤ مجھے آج حضرت زیادہ
نظر آئے ہر چیز میں تیرا جلوہ
مری اس طرح ہو بصارت زیادہ
ہے پیش نظر مصحف روئے احمد
کیا کرتا ہوں میں تلاوت زیادہ
الہٰی وصال رسول خدا کی
تمنا زیادہ ہو حسرت زیادہ
چمٹ جاتے ہیں لب جو لوں نام احمد
ترے نام میں ہے حلاوت زیادہ
یہ نعت پیمبر کا باعث ہے شائقؔ
ہوئی خلق میں تیری شہرت زیادہ
Nabi ki ho dil me mohabbat zyada
NahiN koi aur is se nemat zyada
Rasool e Khuda yooN toh sab ummati haiN
Rahe aasiyoN par inayat zyada
HameN bus hai hub e Nabi ka waseela
Jo karte haiN karleN ibadat zyada
Taraqi pe hai ishq e gesue Ahmed
Maza degi hum ko yeh wehshat zyada
KahaN husn e Yusuf aur us ki shabahat
Teri shakl me hai malahat zyada
Gadai hai Taiba ki shahi se badhkar
WahaN ki hai zillat me izzat zyada
Mayassar ho Taiba ki Thandi hawaeN
Tap e ishq ne ki hararat zyada
Payambar hoye yooN toh sab Haq ke pyare
Magar sab me tum khoobsurat zyada
KahooN hashr me hauz e Kausar pe jaake
Pilao mujhe aaj hazrat zyada
Nazar aaye har cheez me tera jalwa
Meri iss tarah ho basarat zyada
Hai pesh e nazar mas’haf e rooe Ahmed
Kiya karta hooN maiN tilawat zyada
Ilahi wisaal e Rasool e Khuda ki
Tamanna zyada, ho hasrat zyada
ChimaT jaate haiN lab jo looN naam e Ahmed
Tere naam me hai halawat zyada
Yeh naat e Payambar ka baes hai Shayeq
Howi khalq me teri shohrat zyada
********