چلو بلوالونبی دم نہ کہیں جائے نکل
بے کلی ہے نہیں کل پھرتا ہوں بیکل بیکل
پس برباد مری خاک سے کہتی ہے صبا
سوئے طیبہ میں اڑاکرتجھے لے چلتی ہوں چل
راہ مدینہ کی زمیں اور وہ نورانی جمال
بانکی چال اس پہ وہ طرہ ترا کالا کمبل
یا نبی آب کرم سے اسے کیجئے شاداب
سوزش ہجر سے مرجھائے نہ اس دل کا کنول
باغ فردوس میں بھی کہتے ہیں دیوانے ترے
یاد آتا ہے وہ طیبہ کا سہانا جنگل
کچھ نہیں پاس مرے تیری محبت کے سوا
نہ تو ہے زہد و عبادت نہ تو ہے علم و عمل
ہند سے جاکے مدینہ ہی میں میں مرجاؤں
یا خدا میری تو اس طرح سے تقدیر بدل
ہوں وہ دیوانہ احمد کہ نہ ہوگی پرسش
مری بخشش ہے قیامت میں پڑے گی ہل چل
امتی کہہ کے پکاریں مجھے طیبہ سے نبی
یا خدا ایسا سکھادے مجھے تو حب کا عمل
شب فرقت کی سیاہی سے ہوئی جان بہ تنگ
میری آنکھوں میں تو اے چاند مدینہ کے نکل
دیکھ کر ایلچی کہتے تھے نبی کے گھر کو
تیرے حجرےپے فدا قیصر و شاہی کے محل
ہوں وہ دیوانہ دم پرسش روز محشر
نعتیہ حق کو سناؤں گا یہ شائقؔ کی غزل
Chalo bulwalo Nabi dum na kaheeN jaae nikal
Bekali hai nahiN kal phirta hooN bekal bekal
Pas e barbaad meri khaak se kehti hai saba
Soo e Taiba mai uDhakar tujhe le chalti hooN chal
Raah e Madine ki zameen aur wo noorani jamaal
BaNki chaal uspe woh turrah tera kaala kambal
Ya Nabi aab e karam se use kijiye shadaab
Sozish e hijr se murjhae na is dil ka kaNwal
Baagh e Firdous me bhi kehte haiN deewane tere
Yaad aata hai wo Taiba ka suhana jungal
Kuch nahiN paas mere teri mohabbat ke siwa
Na to hai zohd o ibadat na to hai ilm o amal
Hind se jaake Madine hi me mai marjaooN
Ya Khuda tu meri is tarah se taqdeer badal
Ya Khuda zeest me jab tak na Madina pohNchooN
Teri rahmat ke tasadduq na mujhe aaye ajal
HooN wo deewana e Ahmed ke na hogi pursish
Meri baqshish hai qayamat me paDhegi hulchul
Ummati kehke pukareeN mujhe Taiba se Nabi
Ya Khuda aisa sikhade mujhe tu hub ka amal
Shab e furqat ki siyahi se howi jaan ba tung
Meri aNkhoN me tu ae chand Madine ke nikal
Dekhkar aelchi kehte the Nabi ke ghar ko
Tere hujre pe fida Khaisar o Shahi ke mahal
HooN wo deewana dum e pursish e roze mehshar
Naatiya Haq ko sunaoNga ye Shayeq ki ghazal
********