نہیں فرقت تمہاری اب گورا یا رسول اللہ
بلالو مجھ کو طیبہ میں خدارا یا رسول اللہ
پکاریں کیوں نہ تمکو جان اپنی کیوں نہ دیں تم کو
تمہیں سے زندگی کا ہے سہارا یا رسول اللہ
تمہیں دیکھا ہے جس نے اس نے دیکھا حق کے جلوہ کو
تجلی حق کی ہے چہرہ تمہارا یا رسول اللہ
اسے منظور تھا ظاہر کرے خود کو زمانے میں
زمیں پر اس لئے تم کو اتارا یا رسول اللہ
جومنکرہیں شفاعت کے انہیں دوزخ مبارک ہو
بھروسہ ہے شفاعت پر ہمارا یا رسول اللہ
تمہارے نخل الفت کے ثمراتنے توہوں حاصل
پھپھولوں سے پھلے سینہ ہمارا یارسول اللہ
کہاں تک صبر ہو شام و سحر ٓاٹھوں پہر دل پر
تمہارے ہجر کا چلتا ہے آرا یا رسول اللہ
انا اطلب رضا کا شان میں جس کی کہا حق نے
فدا اس پر نہ کیوں عالم ہو سارا یا رسول اللہ
ہوئی آساں وہیں مشکل وہیں عقدے ہوئے سب حل
کسی عاشق نے جب تم کو پکارا یا رسول اللہ
خدا شاہد عرب ظاہر میں عین رب ہو باطن میں
ادا کیا وصف ہو ہم سے تمہارا یا رسول اللہ
یہی ہے شوق شائقؔ کا یہی ہے عرض شائقؔ کی
دکھادو روضئہ انور دوبارہ یا رسول اللہ
NahiN furqat tumhari ab gawara ya Rasool Allah
Bula lo mujhko Taiba me khudara ya rasool Allah
PukareN kyu na tumko jaan apni kyu na deN tumko
TumhiN se zindagi ka hai sahara ya Rasool Allah
Tumhe dekha hai jis ne us ne dekha Haq ke jalwe ko
Tajalli Haq ki hai chehra tumhara ya Rasool Allah
Use manzoor tha zaahir kare khud ko zamane me
ZameeN par iss liye tumko utara ya Rasool Allah
Jo munkir haiN shafa’at ke unheiN dozaq mubarak ho
Bharosa hai shafa’at par hamara ya Rasool Allah
Tumhare nakhl e ulfat ke samar itne to hoN hasil
PhapholooN se phule seena hamara ya Rasool Allah
KahaN tak sabr ho, shaam o saher aaToN pehar dil par
Tumhare hijr ka chalta hai aara ya Rasool Allah
Ana atlub razaka shaan me jis ki kaha Haq ne
Fida us par na kyu aalam ho saara ya Rasool Allah
Huwi aasaan wahiN mushkil wahiN uqde howe sab hal
Kisi aashiq ne jab tum ko pukara ya Rasool Allah
Khuda shahid arab zahir me ain Rab ho batin me
Ada kya wasf ho hum se tumhara ya Rasool Allah
Yehi hai shauq Shayeq ka yehi hai arz Shayeq ki
Dikha do roza e anwar dobara ya Rasool Allah
******