کملی اوڑھے ہوئے اے گیسوئے والے آجا
ہم سیہ کار پڑے ہیں ترے پالے آجا
یا نبی دل کو مرے اور لبھالے آجا
آجا آجا مجھے دیوانہ بنالے آجا
سرکشی میں مجھے اب تو ہی نظر آتا ہے
عشق نے اب تو بہت پاؤں نکالے آجا
لاکھ بے چین میں ہوجاؤں تجھے کیا پروا
اے خیال نبوی اورستالے آجا
اے مسیحا تری فرقت میں گئی جان مری
اپنے مارے ہوئے کو اب تو جلالے آجا
یوں توکہنے کو حسین اور بہت سارے ہیں
ترے انداز ہیں دنیا سے نرالے آجا
پوچھنے والا مرا کوئی نہیں تیرے سوا
کر گیا مجھ کو یہاں کس کے حوالے آجا
قبر شائقؔ نہ ہو تاریک کہیں ظلمت سے
اے میرے چاند اندھیرے کے اجالے آجا
Kamli ooDhe huwe aey gesu e waale aaja
Hum siyahkaar paDhe haiN tere paale aaja
Ya Nabi dil ko mere aur lubhale aaja
Aaja aaja mujhe deewana banale aaja
Sarkashi meiN mujhe ab Tu hi nazar aata hai
Ishq ne ab to bohat paaoN nikale aaja
Lakh bechain mai hojaooN tujhe kya parwah
Aye khayal e Nabawi aur sataale aaja
Aey maseeha teri furqat me gayi jaan meri
Apne maare howe ko ab toh jilaale aaja
YooN toh kehne ko haseeN aur bohat saare haiN
Tere andaaz hai duniye se niraale aaja
Poochne wala mera koi nahi tere siwa
Kar gaya mujhko yahaN kis ke hawale aaja
Qabr e Shayeq na ho taareek kahiN zulmat se
Ae mere chand andhere ke ujaale aaja