مجھ کو پہنچادے خدا احمد مختار کے پاس
میرے والی مرے آقا مرے سرکار کے پاس
موت بھی آئے مدینہ میں مری یا اللہ
دفن میرا ہو مرے سید ابرار کے پاس
یاد مژگاں میں جو یاد آئی محمد کی نظر
ایسی تلوار پڑی رہ گیا سردار کے پاس
جان کس کام کی گر ہو نہ محمد پہ فدا
دل وہ کس کام کا جائے جو نہ دلدار کے پاس
عشق میں عشاق کے یہ ظلّ ہما ہے پیارے
گھر ہو طیبہ میں ترے سایۂ دیوار کے پاس
مست ہوں بادئہ الفت سے رسول اللہ کے
بھیج دے مجھ کو الہٰی مرے سرشار کے پاس
مغفرت حشر میں ہوجائیگی کیا فکر اے دل
چیز ہی کیا ہے گناہ وہ مرے غفار کے پاس
کیاغضب ہے کہ رہوں شہر پیمبر سے دور
ہائے بلبل نہ رہے کیوں گل گلزار کے پاس
سورئہ نون کے نزدیک ہی ہے سورئہ صاد
یاکہ ہے چشم نبی ابروے خمدار کے پاس
یا خدا سچ ہے یہ کیسے ہیں وہ خوش قسمت لوگ
رات دن رہتے ہیں جو احمد مختار کے پاس
تیرے چہرہ کے تصور سے نہ ہو کیوں صحت
ہے مسیحائے خیالی ترے بیمار کے پاس
خوف ہے فتنۂ محشر کا نہ کچھ بھول کا ڈر
میں قیامت میں رہوں گا شہ ابرار کے پاس
چشم ابروئے نبی کے ہے قریں اے لوگو
یا کوئی مست ہے بیٹھا ہوا تلوار کے پاس
پوچھ شائق ؔسے نہ تو روز قیامت میں خدا
حب احمد کے سوا کیا ہے گنہگار کے پاس
Mujhko pohaNchade Khuda Ahmed e muqtaar ke paas
Mere waali mere aaqa mere sarkaar ke paas
Maut bhi aaye madine me meri ya Allah
Dafn mera ho mere Syed e Abraar ke paas
Yaad e miz’Ghaan me jo yaad aayi Mohammed ki nazar
Aisi talwaar paDhi reh gaya sar daar ke paas
Jaan kis kaam ki gar ho na Mohammed pe fida
Dil wo kis kaam ka jaye jo na dildaar ke paas
Ishq me ushaaq ke ye zill e huma hai pyaare
Ghar ho Taiba me tere saya e deewar ke paas
Mast hooN bad’a e ulfat se rasool Allah ke
Bheejde mujhko Ilahi mere sarshaar ke paas
Maqfirat hashr me hojaegi kya fikr ae dil
Cheez hi kya hai gunah wo mere Ghaffar ke paas
Kya ghazab hai ke rahooN shehr e payambar se door
Haye bulbul na rahe kyuN gul e gulzaar ke paas
Surah e Noon ke nazdeek hi hai Surah e Suaad
Ya ke hai chashm e Nabi abro e khamdaar ke paas
Ya Khuda sach hai yeh kaise haiN wo khush qismat log
Raat din rehte haiN jo Ahmed e muqtaar ke paas
Tere chehre ke tasawwur se na ho kyu sehat
Hai maseeha e khayali tere beemar ke paas
Khauf hai fitna e Mehshar ka na kuch bhool ka Dar
Mai Qayamat me rahooNga Shah e Abraar ke paas
Chashm e abroo e Nabi ke hai qareen ae logo
Ya koi mast hai baiTha hua talwaar ke paas
Pooch Shayeq se na tu roz e Qayamat me Khuda
Hub e Ahmed ke siwa kya hai gunahgaar ke pass
*******