ہوجائے غریبوں پہ عنایت کی نظر بھی
کچھ حسن کا صدقہ مرے سرکار ادھر بھی
محبوب خدا کے ہیں خدائی کے بھی محبوب
اک ذات محمد کی ادھر بھی ہے ادھر بھی
معراج میں پہنچے مرے سرکار وہاں تک
ممکن نہیں اُس جا ہو فرشتوں کا گذر بھی
اے عشق نبی تجھ کو جو منظور ہو لے لے
یہ جان ہے یہ سرہے یہ دل ہے یہ جگر بھی
جلوہ جووہاں تھا وہ مرے دل میں عیاں ہے
ملتا ہے مرے گھر سے کچھ اللہ کا گھر بھی
جو نزع میں نظارہ ترا ہو مجھے حاصل
تو سامنے ہو اور ترے قدموں پہ ہو سر بھی
تسکین کرو کچھ تو جمال اپنا دکھاکر
بے تاب جو دل ہے تو تڑپتا ہے جگر بھی
دن آئے گا کب وصل محمد کا الہٰی
اس شام جدائی کی کبھی ہوگی سحر بھی
لو اور کشش عشق نبی راہ نما ہے
مشکل کہیں ہوتا ہے مدینہ کا سفر بھی
رخسار محمد سے ہوئی بات یہ پیدا
ساکن فلک حسن پہ ہیں شمس و قمر بھی
پتھرا گئی ہیں حسرت دیدار میں آنکھیں
تشریف کبھی لائیے سرکار ادھر بھی
اے تیغ نگاہ نبوی میں ترے صدقے
بسمل ہوں ذرا اور ہو اک وار ادھر بھی
شائقؔ جسے کہتے ہیں بری اس کی ہے حالت
ہے آپ کو کچھ اے مرے سرکار خبر بھی
Ho jaaye qareeboN pe inayat ki nazar bhi
Kuch husn ka sadqa mere Sarkaar idhar bhi
Mehboob Khuda ke haiN khudai ke bhi mehboob
Ek zaat Mohammed ki idhar bhi hai udhar bhi
Meraaj me pohNche mere Sarkaar wahaN tak
Mumkin nahiN us ja ho farishtoN ka guzar bhi
Ae ishq Nabi tujhko jo manzoor ho le le
Ye jaan hai, yeh sar hai, yeh dil hai, yeh jigar bhi
Jalwa jo wahaN tha wo mere dil me ayaaN hai
Milta hai mere ghar se kuch Allah ka ghar bhi
Jo naz’a me nazara tera ho mujhe hasil
Tu samne ho aur tere khadmoN pe ho sar bhi
TaskeeN karo kuch toh jamaal apna dikha kar
Betaab jo dil hai toh tadapta hai jigar bhi
Din aaega kab wasl e Mohammad ka Ilahi
Iss shaam e judai ki kabhi hogi sehar bhi
Lau aur kashish e ishq e Nabi rahnuma hai
Mushkil kahiN hota hai Madine ka safar bhi
Ruqsaar e Mohammed se huwi baat yeh paida
Saakin falak e husn pe haiN shams o qamar bhi
pathra gayi haiN hasrat e deedar me ankheN
Tashreef kabhi laiye Sarkaar idhar bhi
Ae teGh e nigah e nabawi mai tere sadqe
Bismil hooN zara aur ho ek waar idhar bhi
Shayeq jise kehte haiN buri us ki hai halat
Hai aap ko kuch ae mere Sarkaar khabar bhi
********