یاس کہتی ہے مجھے ٹھوکریں ہی کھانے دو
شوق کہتا ہے مدینہ کو چلے جانے دو
دم رخصت یہ مدینہ میں کہوں گا روکر
زائرو چھوڑ دو مجھ کو یہیں رہ جانے دو
سن لیا ہے کہ دم نزع نبی آتے ہیں
پیشوائی کے لئے دم کو نکل جانے دو
ہجر احمد میں ہیں مضطر جگر و دل دونوں
میرے سینے میں رہا کرتے ہیں دیوانے دو
پیج کھل جائیں گے محشر میں سیہ کاروں کے
زلف احمد کو ذرا آج تو بل کھانے دو
یہی جنت یہی فردوس یہی باغ ارم
طائر دل کو مدینے کی ہوا کھانے دو
زائرو یاد مدینہ نہ دلاؤ مجھ کو
ٹھیرو ٹھیرو مرے دل کو تو سنبھل جانے دو
دیکھ کر شان نبی لے کے بلائیں یہ کہوں
حشر والو مجھے دامن سے لپٹ جانے دو
سرکے بل جاؤں گا روضہ پہ تصدق ہونے
میرے آقا کو مجھے یاد تو فرمانے دو
روضہ پہ رونے سے روکو نہ مدینے والو
ابر اٹھا ہوا آیا ہے برس جانے دو
جس پہ شیدا ہے خدا میں بھی ہوں اس کا عاشق
ایک ہے شمع فدا اس پہ ہے پروانے دو
کعبۃ اللہ کو سب لوگ کہیں گے طیبہ
ان کی صورت تو ذرا دل میں نظر آنے دو
پھاڑکر اپنا کفن قبر میں اٹھ بیٹھوں گا
لاکے تصویر نبی مجھ کو تو دکھلانے دو
میں نکرین سے مرقد میں کہوں گا شائقؔ
ٹھیرو ٹھیرو مرے سرکار کو آجانے دو
Yaas kehti hai mujhe thokreN hi khane do
Shauq kehta hai Madine ko chale jaane do
Dum e ruqsat yeh Madine me kahoNga ro kar
Zaero! choD do mujhko yaheeN reh jane do
Sun liya hai ke dum e naza’a Nabi aate haiN
Peshwai ke liye dum ko nikal jaane do
Hijr e Ahmed me haiN muztar jigar o dil dono
Mere seene me raha karte haiN deewane do
PeNch khul jaeNge mehshar me siyahkaaroN ke
Zulf Ahmed ko zara aaj toh bal khane do
Yehi jannat yehi Firdous yehi baaGh iram
Taer e dil ko Madine ki hawa khane do
Zaaero yaad e Madina na dilao mujhko
Thehro Thehro mere dil ko to sambhal jane do
Dekhkar shaan e Nabi leke baleiN yeh kahooN
Hashr walo mujhe daaman se lipat jaane do
Sar ke bal jaaoNga roze pe tasaduq hone
Mere Aaqa ko mujhe yaad to farmane do
Roze pe rone se roko na Madine walo
Abr uTha hua aaya hai baras jane ko
Jis pe shaeda hai Khuda, mai bhi hooN us ka aashiq
Ek hai shama, fida iss pe haiN parwaane do
Kaabatuallah ko sab log kaheNge Taiba
Un ki soorat to zara dil mai nazar aane do
PhaarD kar apna kafan qabr me uTh betooNga
La ke tasweer e Nabi mujhko toh dikhlane do
Mai nakirain se marqad me kahunga Shayeq
Thehro Thehro mere Sarkaar ko aajane do
*******