صورت مجھے دکھادے مسند نشین طیبہ
بگڑی مری بنادے مسند نشین طیبہ
منہ خواب میں دکھادے مسند نشین طیبہ
قسمت مری جگادے مسند نشین طیبہ
وہ مستیاں ہوں مجھ کو تو ہی نظرمیں آئے
ایسی مجھے پلادے مسند نشین طیبہ
دیوانہ مجھ کوکرکے کس گھرمیں چھپ گیاہے
للہ کچھ بتادے مسند نشین طیبہ
محشر میں عاصیوں کا کوئی نہیں سہارا
تو آج لب ہلادے مسند نشین طیبہ
حسنین پرمیں دل سے ہوجاؤں کیوں نہ صدقے
ہیں دونوں شاہزادے مسند نشین طیبہ
بیمار ہو نہ اچھا مرکر مدینہ پہونچے
ایسی دوا پلادے مسند نشین طیبہ
اعمال ہے جو میرے اس طرح تو مٹادے
یکسر ورق ہوں سادے مسند نشین طیبہ
سب ہاتھ میرے چومیں مظہر سمجھ کے تیرا
ایسا مجھے بنادے مسند نشین طیبہ
کھل جائے حشر میں جب میری سیاہ کاری
کملی مجھے اڑھادے مسند نشین طیبہ
ہے آس دل کو میرے آیا ہوں بن کے سائل
خیرات کچھ دلادے مسند نشین طیبہ
پردے میں میم ہی کے دیکھوں خداکی صورت
گھونگٹ ذرا اٹھادے مسند نشین طیبہ
کامل ہے مرد شائقؔ فرقت کی آفتوں سے
ٹھوکر سے تو جلادے مسند نشین طیبہ
Surat mujhe dikha de Masnad nasheen e Taiba
Bigdi meri bana de Masnad nasheen e Taiba
Mu khwaab me dikha de Masnad nasheen e Taiba
Qismat meri jaga de Masnad nasheen e Taiba
Wo mastiyaN hoN mujhko Tu hi nazar me aaye
Aisi mujhe pila de Masnad nasheen e Taiba
Deewana mujh ko karke, kis ghar me chup gaya hai
Lillah kuch bata de, Masnad nasheen e Taiba
Mehshar me aasiyoN ka koi nahiN sahara
Tu aaj lab hila de Masnad nasheen e Taiba
HasnaiN par mai dil se hojaoN kyu na sadqe
HaiN dono shahzade Masnad nasheen e Taiba
Beemar ho na acha, mar ke Madina pohaNche
Aisi dawa pila de Masnad nasheen e Taiba
Aamaal hai jo mere iss tarha Tu mita de
aksar waraq hooN saade Masnad nasheen e Taiba
Sab hath mere choomeN mazhar samajh ke tera
Aisa mujhe bana de Masnad nasheen e Taiba
Khuljaye hashr me jab meri siyaahkaari
Kamli Mujhe uDa de Masnad nasheen e Taiba
Hai aas dil ko mere, aaya hooN ban ke sayel
Khairat kuch dila de Masnad nasheen e Taiba
Parde me meem hi ke dekhoN Khuda ki soorat
Ghonghat zara uTha de Masnad nasheen e Taiba
Kaamil hai mard Shayeq furqat ki aafatoN se
Thokar se tu jila de Masnad nasheen e Taiba
********