تصور نبی کا جمائے ہوئے ہیں
خدا سے نظر ہم ملائے ہوئے ہیں
فدا کیوں نہ ہوں روئے احمد پہ ہر دم
اسی میں تو کچھ راز پائے ہوئے ہیں
کہیں گے یہ طیبہ میں جا کر نبی سے
گنہگار اب در پہ آئے ہوئے ہیں
دکھا خواب میں شمع رخسار حضرت
خدا سے یہی لو لگائے ہوئے ہیں
پس مرگ ہوتا ہے وصل پیمبر
نہا دھوکے خوشبو لگائے ہوئے ہیں
کہوں کیوں نہ صل علی یا محمد
وہ آنکھوں میں دل میں سمائے ہوئے ہیں
گنہگارو بس فخر جنت میں اتنا
محمد کے ہم بخشوائے ہوئے ہیں
کبھی اک نظر ہو ادھر بھی پیمبر
دل آئینہ اپنا بنائے ہوئے ہیں
کریں وصف کیا ان کی ابرو کے خم کا
اسی فکر میں سر جھکائے ہوئے ہیں
ہوا دل جو گلزار اے داغ الفت
یہ سب تیرے ہی گل کھلائے ہوئے ہیں
عجب کیا کہیں نزع میں مرتے مرتے
جنھیں چاہتا تھا وہ آئے ہوئے ہیں
یقیناً اسے ہوگا دیدار حضرت
جو دیدے سے آنسو بہائے ہوئے ہیں
سنا اور ہم کو نہ اے ہجر احمد
کہ ہم تو ازل سے ستائے ہوئے ہیں
جنھیں پردہ پوشی کا دعویٰ تھا شائقؔ
وہ بے پردہ آنکھوں میں آئے ہوئے ہیں
Tasawwur Nabi ka jamae hue haiN
Khuda se nazar hum milae hue haiN
Fida kyu na hoN roo e Ahmed pe har dum
Isi me toh kuch raaz paaye hue haiN
Kaheinge yeh Taiba me jaakar Nabi se
Gunahgaar ab dar pe aae hue haiN
Dikha khwaab me sham e ruqsaar hazrat
Khuda se yehi lau lagae hue haiN
Pas e murg hota hai wasl e Payambar
Naha dho ke khushboo lagae hue haiN
KahooN kyu na salle ala ya Mohammed
Wo ankhoN me dil me sama hue haiN
Gunahgaaro bas faqr jannat me itna
Mohammed ke hum baqshwaye hue haiN
Kabhi ek nazar ho idhar bhi Payambar
Dil aaina apna banaye hue haiN
KareN wasf kya un ki abroo ke kham ka
Isi fikr meiN sar jhukaye hue haiN
Hua dil jo gulzaar ae daaGh e ulfat
Yeh sab tere hi gul khilaye hue haiN
Ajab kya kahein naza’a meiN marte marte
JinheiN chahta tha wo aae hue haiN
Yaqeenan use hoga deedar e hazrat
Jo deede se aNsoo bahae hue haiN
Suna aur hum ko na ae hijr e Ahmed
Ke hum toh azal se satae hue haiN
JinheiN parda pooshi ka daawa tha Shayeq
Wo beparda aNkhoN mai aae hue haiN
********